جروح الوقت ..

صحيح ان الزمن قاسي صحيح ان القلوب قبور على كثر الألم قمـة جـروح الوقـت نخفيهـا

قصيد وحبر متخثر على وجه الـورق  منثـور حروف اقلامنا تحكي ولا مـن هـو  يواسيهـا

غريب الحزن يا خذنا على بحر الشقى بالـدور وتبكـي اقلامنـا منـا ونكسرهـا ونبكيـهـا

كتبنا عشق واحساس واماني تستفـز  شعـور مراسي صادق احساس المشاعر ساكنه  فيهـا

نسطر من عنا هم السنين الماضيـات سطـور قصايد صورت كسر الخواطـر فـي  معانيهـا

يثور العشق فينا قبل ما نظـم القصيـد يثـور ونرحل مع قوافـي مفـردات حـروف نبنيهـا

لقينا في متهاتـه صحـاري قاحلـه  وبحـور ضياع وغربت الشاعر علـى الأوراق يحكيهـا

احس الليل واشعاري واحاسيسي صخب جمهور يغيب اللـي احبـه ماقراهـا او سمـع  فيهـا

تسجل كل يوم بصفحة افكاري سفر  وحضـور يغيب الناس عن فكري ولا قد غـاب  طاريهـا

شريط الذكريات اللي بقالـي كـل يـوم يـدور يشتت من همومي واجمع اصواتـي وااناديهـا

خرابه عالمي بعده كئيـب ومظلـم  ومهجـور وعتمة ليل مدري ويش تخفـي لـي بلاويهـا

يقول القلب يا سلطان انا من هجرهـا مقهـور واقول الصبر يا قلبي جروحـك مـا  يداويهـا

طفى نور الامل فيني ومات الخاطـر المكسـور وعاشت طعنة ايـام الغيـاب بصـدر راعيهـا

عرفت ان اللذي حبو ضحايـا دمهـم  مهـدور وعرفـت ان المحبـه تأخـذ الأرواح تسبيهـا

وعرفت ان اللذي يعشق نهاية قصتـه مغـدور وامنت بجروح الحب.... ما كـل(ن)  يداويهـا