يتعبون ..

كل ما ربعي جفوني قلـت يـا قلبـي  تهـون وكـل مـا كانـو بقربـي سببولـي  مشكلـه

لو ابتركهم تغاظي... خلف ظهـري  يطعنـون ولـو اواجهـم بحاجـه يقلـبـون المسـألـه

ما غلطت بحقهـم يـوم هـم لـي.. يغلطـون وما حملت الحقد فينـي يـوم غيـري يحملـه

ان غلطت بحقهم باللـي يرضـي..  يبشـرون وان غلط غيري بحقـي عفـو قلبـي  يشملـه

والله افديهم بروحـي و العمـر لـه يأمـرون بس انـا شفـت الوجيـه الخبيثـه  ..مذهلـه

دامنـي مانـي بحاجـة للقرابـه وش  يبـون كنت عارف شي فيهـم يـوم غيـري  يجهلـه

يـوم انـا محتاجهـم كانـو منـي يهـربـون يوم انا ارعـى غلاهـم وابـن عمـي  يقتلـه

ويوم انا احفظ معـزه بالرومـوش  وبالعيـون واجمـع الـورد بكفوفـي اقطفـه ..واجملـه

كنت انا اسئل عليهـم يـوم هـم مـا يسئلـون رغـم هـذا قدرهـم وسـط عينـي احمـلـه

كل ما يغلط قريبي كنـت اقـول انـه  يمـون وكنـت اقـول ان الأمانـي بالمحبـه  مقبلـه

وكنت اقول الطيب فيهم قبـل ماهـم يسمعـون بس انـا شفـت اليالـي ظـن قلبـي  تخذلـه

مير شوفـو قـدره الله.. يغلطـون ويشتكـون وبعضهم سرت بحياتـه حلـم طيفـي يشغلـه

دامهـم يبغـون كسـري لا وربـي  يتعبـون ودام قلب(ن) زاد حقده من ظلوعـه..  بنشلـه

ودامهـا سـارت عنـاد علموهـم يحلـمـون ماحد(ن)فيهـم ابد..بييـنـه وبيـنـي صـلـه

الشعر وصف المشاعر... الكثير من  الجنـون علموني وش بقـى مـن علـوم(ن)  مخجلـه

ما عرفت اكسر غرور الوقت بالهقوات... دون ذقت سم الموت منه.. كنـه افعـى  مجلجلـه

لو قسى وقتي علي.. ولو ظروفي بـه يجـون يعلم الله ما وقف فـي وسـط دربـي معظلـه