بوح وجد

صباح الخير يا نور الصباح ومنظر الأزهار.
 صباح الخير يا برد الصباح و يا عصافيري
صباح الخير يالون السماء والبيت واهل الدار
 صباح الخير يا دربي... ويا اول مشاويري
على الله نصبح ونمسي ولا نعرف وش الأقدار
 الا يالله وفقني .............ويسر لي مقاديري


..............................................................................
العفو يا( جرح) ماهي...... غلطتك
الغلط من قلب تلقى به............ مكان
 والألم ماهي سبايب....... طعنتك
الألم فيني وعايش من........... زمان
 ماعرفت احسب حساب... لجيتك
 اسكن بقلبي وخذ مني ..........أمان
 وابشر بدمع(ن) يشرف حظرتك
 واطلبك لاتستحي واعتمد هد.. الكيان
...........................................................................
مجنون قلبي لا لمح طيف خله
يروح له اما( كذا)........ ولا .......( كذا)
واذا سئلته من حبيبك.... يدله
يشر عليك ويقول لي خلي>>>>>> هذا
واقول ياقلبي ترى الحب عله
يطالع بنظرة زعل ويقول لي طيب (واذا)
.......................................................................

صدفه

ياويـل روحـي تعاتبنـي  وعاتبهـا ومشي مع الخلق ودروبي  تحاسبنـي

شفت الملاك الي تناظرني  وناظرهـا صدفـه وعينـه جـات فـي عينـي

كن الزمن وقـف وطالبنـي  اكلمهـا تلخبط التفكير مدري وش حصل  فيني

صرخت سبحانه الي خلقها ثم صورها طلبتها ادخـل علـى الله لا تلومينـي

الي تشوفـه عيونـي مـا  تصدقهـا استغفر الله لو بقول انـك سحرتينـي

كن بكلامـي غلـط شـي وضحكهـا مرات اموت بنظرها ومرات تحيينـي

خافت من الناس يكون احدن يراقبهـا وكنها تقول لـي مالـك امـل فينـي

يكفيلـك الكلميتيـن الـي بتسمعـهـا وخر صعب اوصلك ارجوك  تعفينـي

غصب الضروف بتجبرني وطاوعهـا يمكن تجـود الليالـي يـوم  وتجيني

وقلوبنا بالفـرح لحضـات  تجمعهـا حسيت في صوتها حزنـن يواسينـي

شفت الحيئ من لهيب الشوق يمنعهـا ونا لهيب الشوق منها صار  يكوينـي

سلطان ايامك ردات الحض تصفعهـا محدن فهم همي ولا احدن سئل فينـي

الي يبي لي راحتي ارجـوه يسمعهـا قصـه غريبـه بالاهـات  تطوينـي

يا ناس لمن مشت روحي مشت  معها لا تقدر تجيبنـي ولا تقـدر تودينـي

ادموع جفت ونا ازريـت لا  ادمعهـا الليل والخـوف ولاحـزان  تكسينـي

يا ما تمنيت من وقتها لحضات واملكها واقول ادخل على الله ارجوك  ضميني

قبل الوداع وقبـل لا انـي  اوادعهـا بغيت انـا كفوفهـا تسكـن  بكفينـي

ونذرن علـي بالـروح انـا اسكنهـا بس البحر كابـر وعيـاا  وينجينـي

ودروب ضاقت ونا عانيت  وعبرهـا واخر رواياتي وهي بالعين تنضرنـي

ونا عيوني بيـن خلـق الله  تراقبهـا ونا اطلب الله يغفـر لـي  ويهدينـي

ويبعد الزلات عـن قلبـي  ويمنعهـا يكفي تعب ياوقـت ارجـوك يكفينـي

من بلاه العشق

من بلاه العشق مثلي لاعـرف وقتـه وحينـه ومن طغى حبه على الوجدان وابحر في بحرها

ومن رسم صورة حبيبه بلحظة الشوق اللعينـه ومن عرف طعنات ليله لا هو نام ولا  سهرها

ومن كفاه انه يجامل نفسه انـك لـه  سجينـه قال انه مابغيب وكيف اغيـب وانـا نظرهـا

ومن جلس بجدار بيتك ينتظـر انـك  تجينـه ينتظر ويشوف خله لحظة (ن) طال انتظرهـا

كيف طاوعتـي زمانـك ترحليـن وتتركينـه كيف هديتي مباني بالغلى لـك هـو  عمرهـا

وكيف قلبك طاوعك شخص غيري  تحظنينـه بس انا سلطان صبري تعّب اقلـوب وقهرهـا

وادري انك كـل همـك تجرحيـن وتقهرينـه صح كنتي فـي حياتـه درة الارض وقمرهـا

صدقيني ما بيخسـر كثـر منتـي تخسرينـه ما بقى لي شي اقولـه كلمتيـن  وبختصرهـا

يسعدك ربك في حبـك واطلـب الله تسعدينـه ويبعد الأحزان عنكم ما تشوفو مـن  قشرهـا

بس سلطان ان ذكرتي اطلبـي ربـك  يعينـه يمكن ان القلب يسلى عن حبيبه قـد  هجرها

ولو تجي عند الكرامه واخذك ذكـرى حزينـه تدري اني لي عيون (ن) دمعها ما قد غمرهـا

لا تجين الحين تبكي في حبيـب(ن) تذكرينـه صدقيه انـه نسـى او تناسـى مـا  ذكرهـا

مات فيه الشوق يصرخ بنبرة الصوت  الحزينه مات مدري كيف مات لحظته محد  حضرهـا

مات فيه الحلم يشجن شقـق اوراقـه  بيدينـه انتهى حبـك وحبـه كـل خطواتـه عبرهـا

العتب

اكتب  قصيد  العتب   ببيات   منثورهوطلق  سراح  الشقى  تحكيه   قيفاني

ورسم ملامح  شقاي  وصوره  صورهونثر  جروح(ن)  لها  فتره  بوجداني

وكتب  بنزف  القلم  وسطر   سطورهوفرش بياض الورق ان  كانه  انجاني

وجبر بخاطر خفوق(ن) ذبلت  زهورهونسى  عذاب  التعب  وطلبه  ينساني

واستحلي  البدر  لا  منه  بدى   نورهماغير  نور   القمر   بالليل   خاواني

وضمد جراح عظم(ن)ضاعف اكسورهوجمع شتات الفرح  في  سلت  الواني

وفك  ضيقه  غدت   بروح   مأسورهوأرمي  هموم  الزمن  وصك   بيباني

بترك  بيوت  العذاب  اليوم   مهجورهما عاد  فيني  صبر  يا  كثر  ماجاني

احمول  فوق  الصدر  ماهي  بمقدورههم(ن)طغى   وإلا    حزن    غطاني

النفس   يم   العنا   ماهي   بمجبورهبرحل عن اللي  شقاه  الحب  وشقاني

راحت  حياتي  معه  والنفس  مهدورهاتعبني   الحب   وإلا   ثقله   اعياني

بحب غيره طمع  واستعجل  حضورهابقهره   وازعله   وأحب   لي   ثاني

يازين  يكفي  على  هالحال  مشكورهبرتاح   انا   منك   واريّح    اجفاني

وأترك بحور الحزن تطغى على سورهواقول   ارجوك   تكفى   لا   تحداني

ابطعنه   واستنجده    وأمثل    بدورهوأقول  عادي   تعديها   على   شاني

مرات  اعيشه  دلع  وأراعي  شعورهومرات  اجافيه  مثل  ماكان   يجفاني

بذوقه من عذاب(ن)عشت  في  جورهبعد   الغلا   والهنا    بدفنه    بكفاني

ولا  الصراحه  كذب  ذكراه  محفورهاجيه  طاير   اذا   بالصوت   ناداني

هذا  كلام   الشعر   وقلوب   مقهورهاموت   فيه   ولو   بالطعنه   ادماني

ان  غاب  عني  يثور  بداخلي  ثورهما  عاد   بعده   لذيذ   النوم   يهناني

ان قلت من هو  حبيبك  قال  بغرورهبياء   ملكيته   من   غير   سلطاني؟

مرات اطيعه ولع وامشي  على  شورهومرات اثور  بغضب  وتشب  نيراني

هاذي  روايه  ويبقى  اشياء  محظورهوهاذي قصيده عتب من فيض وجداني

ارواق وقلم

تشتعل بالجوف شمعه واجمع اوراق وقلـم يوم اشوف ان الظلام يغمر الكون الفسيـح

من جروحي جيت اترجم قمة احساس الألم اكتب بحبر القلم والـورق منـه  يصيـح

لا هو اللي خفف اوجاعي ولا هو اللي سلم كن هذا الكون ابكم وهـو وحـده فصيـح

حظه العاثر رماه بوسط دربـي  وانظلـم وانكتب في صفحة أوراقه وفي وقته جريح

مثـل طفل(ن)شـاف كـابـوس بحـلـم عاف نومه بعد شوفة منظر الوجه القبيـح

رغم هذا لا رفـع رايـة مذلـه او علـم راضي انه لو قست دنياه بشموخه  يطيـح

الصراحه لا يصيـح ولا يعـرف.. ولـم يشعر بجور وقتـي اذا صـح  الصحيـح

ادعيت انه بشر مثل كـل النـاس  يعلـم إن همي مـا قتلنـي ولا نـي  مستريـح

غيابك

غيابك يا نظر عيني تعب قلبي من  سهومه تعال وشوف يا حبي حصاد الي  تسوينـه

من الغيرعتب واشواق منها الروح محمومه من جنونه استفز جنون وصعب انك تهدينه

وحس ان الفراق وقصتة بالبعد  محسومـه يمر بخوفه وحزنه على الله مـا  تناسينـه

لعب بعصاب اعصابه ومن هو اليوم بيلومه طلبتك حبيبي يابعدهم حبيبـك لا  تخلينـه

ابي اعرف وش اخباره حبيبي واخرعلومه ومن هو ماخذك مني ومن هو الي تحبينـه

قسم بالله من غبتي وهو طفشان من يومـه زعل ولا قهر ولا سهر مثل منتي تسمينـه

ومع هذا الذي قد صار ابي اقول  معلومـه انا يكفي اذا خدك على.. صدري تحطينـه

تري سلطان لا منه زعل وشتدت همومـه تري يرضيه اذا انك على ..خده تبوسينـه

ينام بداخل احضانك يرد انفـاس مكتومـه يحس ببرد يوم انك على صدرك تضمينـه

فلسفة

بالمغـازل والتميـلـح اذكــر انــي فيلـسـوف واعرف العب بالمشاعـر فـي فنـون العـاب خفـه

واعرف اصنع بالخيـال سحـر واحـلام  وطيـوف مـن تراكيـب وصيـغ ناتـج التحلـيـل وصـفـه

حب وجنـون ومشاعـر عشـق بحساسـه شغـوف عطر بارد ذهن شـارد تغمـره فـي الحـب  لهفـه

شي في وصفه غريب لا أذن تسمع ولا عين(ن)تشوف مـن حنانـه تنثنـي كـل الزوايـا يــم عطـفـه

بين همس وبين نظره بيـن ضحـك وبيـن  خـوف بين صمـت وشـوق فاضـح تلتقـي شفـه  بشفـه

بالتكشـخ والتمـيـز امتـلـك كــل الـوصـوف نادر(ن)بعيـون خلـي بيـن كـل النـاس  تحـفـه

ما عشقت مـن البنـات غيـر مـن قالـو  هنـوف ومارضيت بشي ناقص لـو طلبـت يجيـك  نصفـه

وما تحداني فـي وقتـي غيـر قسـوة  هالظـروف من هو اللـي قـد تجـرى او قـدر ياقـف  بصفـه

اعجب احلام وعبيـر وامشـي مـع سـاره ونـوف واللي مـا يملـى عيونـي بالتناسـي كنـت اصفـه

من اشوفه لي منافس كنت اقـول لـه يـا  خـروف ابتعـد منتـه بقـدي وانصحـك وجـهـك تضـفـه

غطرسة حاكـم قضـى عمـره يحـارب بالسيـوف في برستيج الكـلام... عالـم اختفـت اوراق كشفـه

مـا بتوصـف عـن زمانـي ابجديـة  هالحـروف كنـت سلطـان بزمانـي والمنافـس جبـت  حتفـه

ليش تكشف مامضـى ليـش تبحـث عـن كشـوف ليـش ترجـع للـورى وهـرج ماضـي لـي تلفـه

ما خذينـا يـا صديقـي غيـر كثـرة  هالحسـوف تبت عن هـاذي السوالـف وجاتنـي بالنفـس عفـه

ولاانـا خبـري مغـازل حـد علمـي  فيلـسـوف اعرف العب بالمشاعـر فـي فنـون العـاب  خفـه

امنياتي

مليت اعيـش احبـاط مانـي  بمجبـور امشي معه في مـا بقـى مـن  حياتـي

كرهت اعيش بدائـرة شخـص مأسـور ومليـت منهـا كـل هـمـي نجـاتـي

ودي اعيـش اليـوم والوقـت مسـرور تـدرون وش اكبـر طمـوح بحيـاتـي

انـي اكـون بأمسيـه وسـط  جمهـور ويطغى صراخ اعجاب مـن  معجباتـي

ويكون بيـن النـاس معجـب ومقهـور احلى وصـوف النـاس تاخـذ صفاتـي

ويقول عذالي... انـا شخـص مغـرور ويقـول عشاقـي ...انـا يـا  حلاتـي

لو ثار شعـري توقـف النـاس وتثـور وتحيا على صـوت الصخـب امسياتـي

قصائـدي تعبـر محيطـات  وبـحـور يسكن غموض وسحـر فـي  مفرداتـي

ويسعى صدى شعري من عصور لعصور واكتب علـى سـور الزمـن ذكرياتـي

اكون حكـي النـاس واسيـر  مشهـور واحقـق احـلامـي وكــل امنيـاتـي

يطلع رصيدي فوق وابني لـي اقصـور ويضمني ريـش الرغـد فـي  سباتـي

وسيارتي دائـم تجـي كشـف وسبـور واخـذ خـوي الفقـر فـي  مترفـاتـي

ونسافـر العـالـم ونـاخـذه بـالـدور من لنـدن وباريـس تجـي  معجزاتـي

ونسهر مع العالم علـى كـل  محظـور واسكر مع احلـى بنـت واقـول هاتـي

مفضوح فـي امـري او كنـت مستـور يكفينـي انـي عزتـي وسـط  ذاتــي

الذنـب بيـن النـاس واضـح ومنثـور والكـل ود انــه يـسـوي سـوااتـي

هـذي غريزتنـا بـلا كــذب او زور لكـن ابدعـي ربنـا فــي  الثبـاتـي

لا تصدقـون الحلـم الحـلـم مبـتـور طفـران ومنتـف وهــاذي  حيـاتـي