يا حظي العاثر ..

دنياي عيت لا تجي كيف ماريـد وسود الليالي يحتريني  خطرهـا

تتجدد اجروحي مع الوقت تجديـد وترسم على خدي بقايـا  اثرهـا

ما عاد فيني صبر ازيـد واعيـد واسهر ليالي طرف عيني سهرها

مقيده روحي عن الفـرح  تقييـد مجبورة(ن) نفسي وهـذا قدرهـا

تجيني هموم الزمن دون  تحديـد وافرش لها الخافق واجاري قهرها

واصبر اذا جاني من الوقت تهديد وارضى وقول الرب عنده خبرها

وامهد دروب الفرح حلـو تمهيـد واضحك مع العالم واجامل  ثغرها

ويشد فيني امـر ويزيـد تشديـد واحمل حمول ثقال محد(ن) حملها

يمكن يئست وتبدد الحلـم  تبديـد يهد حلمي مـن سنينـي دهرهـا

مليت ارد بعالي الصوت  ترديـد صوت القصيد الي جروحي نثرها

سلطان اكد شي بصـرار تاكيـد وراضي بقسمة ربه اللي  قسمهـا

ياحظي العاثـر تماديـت وتزيـد شحت سماي وشح ينزل مطرهـا