وقفات..

اااه يا قلب(ن )يموت... مات من جرحه صويـب واااه يا صوت(ن )يجره وااه مـن قـوة عذابـه

لو يحس الطفل همي كان مـن صغـره  يشيـب ولو تحس الأرض حزني كانت اهتـزت  مهابـه

ولو تشوف الشمس دمعي كان تبكـي بالمغيـب ولو يشوف الوقت عيني كان لخبط في  حسابـه

القمر ينشق نصفه و الفضـاء يصبـح صويـب و السما فجأه تضيق وتفقـد احسـاس الرحابـه

يوم قلبي عاش كذبه واصبـح الواقـع  غريـب يوم انا اصبر واجاري قمـت احسـاس  الكأبـه

ما وقف جنبـي احـد لا ابـن عـم ولا  قريـب زاد عذالـي شماتـه وزاد جرحـي  بالتهـابـه

يوم انا اصرخ ونـادي ويـن منهـو يستجيـب حتى صوتي والصدى... مـا تجينـي بستجابـه

كنت طايح وسط همي وكنـت اناظـر  للحبيـب والوجيه اللـي لفتنـي كانـت بلحظـه تشابـه

انقهرت وكم غفـرت والزمـان امـره  عجيـب بس ربي ما نسانـي يـوم انـا اطلـب  ثوابـه

مـن طلـب رب العبـاد صدقونـي مـا يخيـب الله اكبر والله اكبـر صادفـت وقـت  استجابـه

الله اغناني عن انصاف البشر واصبحـت  ذيـب يوم هالعالم وحوش وسرت وحدي وسـط غابـه

سرت انا منهو يصوب ... سارت اهدافي  تصيب للأسف ما سرت واحد سرت انا كنـي  عصابـه

قتـل وارهـاب وتمـرد وانقلابـات(ن)  تريـب سرت انا مجرم وقلبي يشتعل مـن حـر  مابـه

هـرج عذالـي سخافـه لا يـروح ولا  يجيـب ايه يـا قلبـي تكبـر والتواضـع صـك  بابـه

خل فيني حقـد قاتـل... علـم الرحمـه تغيـب خل في قولي غرور وخل فـي صمتـي  مهابـه

اصـدق اصحابـي اعـزه مايهـم انـه غريـب والعدو دايم اذله.... لو هو من صلـب  القرابـه

اسمع ابياتي بخوف ...عيش في خوف(ن) رهيب خل وقفاتك ذهـول... جـن مـن زود  الغرابـه

ليش صار الكذب غايه... ليش صار الصدق عيب جاوبونـي. علمونـي.. ماابـي غيـر الأجابـه

الحقيقه واضحه ... فـي عيونـي مـا  تغيـب دامه ابن ادم تراب... يرجـع تـراب ال  ترابـه