قبل الودااع

قبـل الـوداع وقبـل مانـي اخليـك ممكن توقف تستمـع لـي  ,,ثوانـي

معاد ابرجع اسئـل اليـوم  وشفيـك؟ ادري انك اكثر من جحـود  وانانـي

لكن عندي لـك وصيـه  (بوصيـك) لا تخلي أي انسـان يصبـح مكانـي

تكفـى دخيلـك واطلـب الله يخليـك دامك بحر واحساس قلبـك,  \موانـي

خليني اغرب شخص مـر  بموانيـك حاول تجرب عشـرة انسـان ثانـي

لااحظ \وش اكثرمن غرامه سكن فيك؟ ولا اقول لـك شـي تكفـى عشانـي

لا من طروني حااولي تدمـع عنيـك ودمعه على (شانك) ودمعه (عشانـي)

وفرقي ما بيـن ,,هـاذي و,,هاذيـك لاتقول احبك بـس غلطـت  زمانـي

قولي غلطت وماعرفت احتفـظ فيـك لازعلك غيـري تذكـر  ....حنانـي

واسرح شوي وخـل شوقـك يعنيـك ولامن ضحكت اجمع بقلبـك  امانـي

ثم اكتب اسمي في وسط راحت  ايديك مـن ثـم بوسيهـا وقولـي عسانـي

فدوتك يالغالي عسى الـروح  تفديـك شايف كذا,, كيف ان ربـي عطانـي

مثل اللذي اعطيتنـي اليـوم يعطيـك مافيـه هـم الا بقربـك \...لفـانـي

ومافيـه حـزن الاويحمـل اساميـك ومافيه جرح الا تكلـف,,,,  وجانـي

وماقد تخطيت الزعل قبل مـا اجيـك شفت اني اكثر مـن بحبـك  يعانـي

وشفت ان تعذيبـك لقلبـي ,,مسليـك اكبر قهـر لا شفـت خلـي  نسانـي

وصدمة ترى لو صرت ماعاد  اعنيك هذا خطـاي وللأسـف مـا  مدانـي

بعـد ان قلبـي صارلعبـه بيـاديـك وسار الهوى يمـك ودربـي خذانـي

اصبحت تايه واذكـر انـي  اناديـك دام البشـر اشكـال والوقـت  فانـي

ما هـي غريبـه لاتجاهلـت مغليـك ولا هي غريبه يومك ارخصت  شاني

بس الغريب؟ انـي بكيفـي اجاريـك لين استوت نـار الزمـان و كوانـي

كنت اعشقك واهواك هايـم  ومغليـك وكنت لي صـوت وقصيـد ومعانـي

وكنت ارتبك يا هوه لا مـر طاريـك وكنت انهبل لا شفت صوتك  دعانـي

واليـوم لا والله نسيتـك ولا ابـيـك بنسى على مر الزمـن مـن نسانـي

بدوس قلبي لجـل ممشـي خطاويـك اخذت درس وتجربه فـي  ,,زمانـي

لو قلت كيفك قلت من  انت؟,,ناسيـك ياكثـر مـن مـرو علـي  بزمانـي