أنا ..

 

كلي شموخ وعـز والاسـم  سلطـان مجنون في شعـري ويسحـر ميولـه

يطغى صخب قولي من اوطان  لوطان ارقى جبال القاف وامشي  سهولـه

اشعل بيوت الشعـر وتسيـر بركـان ولا من طمعت بشـي لابـد  اطولـه

انا الهوى والحب وافـراح  واحـزان واناالقصيد اللـي بـدى قبـل  اقولـه

وانا الكرم بالجود والطيـب  بحسـان واناالـذي فـي داخلـه ضـم  دولـه

و انا ولد فهـم ومـن اصـل فهمـان من يعـرف الفهمـان يعلـن ذهولـه

وانا ابدوي(ن) عاش في عصر الألوان و انا طبول الحرب جيـش  وخيولـه

وانا الشجاع اللي وطى كـل  ميـدان وانا الـذي لا جيـت تقـرع طبولـه

ما عاش مع عصر التحضر ولا كـان عـاش بحيـاة اجدادهـم والمقـولـه

الفارس اللـي مـا يقـدر  بالأثمـان للمـوت مايذكـر ونفسـه عجـولـه

يقود سرب ابطال وجيـوش شجعـان وده يحقق فـي الوغـى لـه بطولـه

فيه الفراسـه سلطـة العقـل ولسـان نفسه عزيـزه حيـل ماهـي خذولـه

لا عاش وقته عاش به كـل الأزمـان يصبرولو زادت في صبـره  حمولـه