ياسمج هالناس.. ويش هالناس من دونك
ويش حاجة العين في ناس (انت) مو فيها
وياكره هالعالم .. اذا هي.. غابت عيونك
تعاف عيني النظر والناس...... مابيها
و ياشينها .....سالفه... يطورنها بدونك
ويا حلو ذيك السوالف يوم... تحكيها
ياخي تجننت ..مدري سرت مجنونك
حاجه كذا... ماعرفت اشلون.. اعديها
العين ....والقلب... والتفكير ...يبغونك
والشعر وبيوته .......وناظم قوافيها
حاولت اسليها بغيرك كود... ينسونك
لكني ازريت مدري...... كيف اسليها
كني اشوف البشر..... دايم ينادونك
ومدري علامك... تصد ولا تلبيها
يا جعلهم كلهم يا زين...... يفدونك
يفدونك الناس والدنيا ..ومن فيها
ياللي يغار القمر والبدرمن... لونك
ان القلوب.. شباك.. الحب تسبيها
اما علمت بأن الشوق قاتلني؟؟ هونك
على روحي فقد اوشكت..... تفنيها
اللعن ابو جد هالفصحى.. ولعيونك
مدري علامي مخربها... ومعميها
تبي الصراحه حبيبي... لا يهمونك
انا احبك بـ هالكلمه...... ومافيها
ليست هناك تعليقات:
إرسال تعليق